NORMAS DO 3X3

O torneo xogarase nas pistas exteriores do Parque situado o lado do Seminario Santa Catalina, xogándose no caso de mal tempo no Polideportivo Municipal de Mondoñedo.
Xogaranse dous partidos consecutivos á vez.
Xogará o día 14 de Xulio pola tarde a partir das 16:30.
Os equipos están compostos por tres ou catro xogadores dos cales un empezará como suplente.
Cada equipo debe nomear un capitán que será o seu representante único.
Cada partido será a 16 puntos e terá unha duración máxima de 10 minutos. Ao final dese tempo, gañará o equipo que vaia por diante no marcador.
En caso de que o partido finalice en empate, cada xogador terá que lanzar un tiro libre e gañará o encontro o equipo que máis canastras enceste.
Cada canastra vale un punto, agás aquelas conseguidas dende máis alá da liña de triplos, que valerán 2 puntos.
A primeira posesión do balón será sorteada.
Despois de cada cambio de posesión, rebote defensivo ou balón recuperado, o balón deberá saír mais alá da liña de triplo.
Despois de cada canastra o balón cambia de posesión e iníciase o xogo dende medio campo.
Cando saia o balón fóra, deberá poñerse en xogo dende a banda.
As loitas supoñen, sempre, a posesión do balón polo equipo que defendía.
As faltas sacaranse sempre de banda, a partir da oitava falta de equipo, todas as faltas se sancionarán cun tiro libre, en caso de convertelo, a posesión cambiará ao equipo contrario; en caso de fallalo a posesión do balón será para o equipo que capture o rebote.
Os xogadores serán eliminados ao cometer a súa quinta falta persoal. O xogo pode continuar ata que un dos equipos quede cun só xogador.
Non haberá árbitro ata as semifinais e a final, polo que todas as faltas serán sinaladas polos xogadores. O encargado de mesa levará o reloxo, conta de puntos, conta de faltas e rexistro dos resultados dos partidos. En caso de que se produza calquera conflito no desenvolvemento do xogo, a decisión corresponderá ao encargado de mesa, as decisións da cal serán inapelables e indiscutibles.


Sobre os termos non especificados entenderase de aplicación as regras habituais do baloncesto.

INSCRICIÓNS
. Gratuíta.
. Cada equipo ten que inscribir como mínimo 3 xogadores e como máximo a 4.
. Chamar aos teléfonos 635110122 ou 605790091 ou ben mandar un correo a dirección raulbgra@gmail.com.

PREMIOS

TROFEOS PARA OS TRES PRIMEIROS EQUIPOS CLASIFICADOS E UN DETALLE PARA O MELLOR XOGADOR DO TORNEO.

FORMULA DE COMPETICIÓN
A fórmula de competición a empregar dependerá do nº de inscritos final, e será comunicada, simultaneamente aos cadros de xogo, no Polideportivo Municipal de Mondoñedo pero tamén o mesmo día antes das doce a cada un dos equipos participantes.

EQUIPO INFANTIL DE BALONCESTO

Iníciase mañá o traballo para empezar a formar o equipo infantil de baloncesto de Mondoñedo levado pola Delegación de Deportes do Concello, e polo Mondoñedo C.B.
O traballo comenzará por comunicarse con todolos pais/nais e rapaces para entregarlles o proxecto de traballo.
Esperamos que este traballo chegue a bo porto e que para o ano podamos contar cun equipo en categoría infantil.

NACEMENTO DO APARTADO DE BALONCESTO

Este apartado nace ca intención de facilitar información máis detallada de todalas actividades relacionadas có deporte do baloncesto na nosa cidade.
Esperamos que vos guste e que participedes de forma activa nel.